Ինչպես կարելի է օգտագործել նարնջի կեղևը. 1in.am

Հաճախ տնային տնտեսուհիները դեն են նետում նարնջի կեղևը: Սակայն այն կարելի է օգտագործել մի շարք կենցաղային խնդիրներ լուծելու համար՝ հայտնում է novate.ru-ն:

1. Պատրաստում ենք կեղևով

Գոյություն ունեն բազմաթիվ բաղադրատոմսեր, որտեղ պահանջվում է ցիտրուսների կեղև: Նարնջի կեղևում շատ են բուրավետ նյութերը, այդ պատճառով այն կարելի է ավելացնել տարբեր ճաշատեսակների, օրինակ՝  մսին կամ ձկանը:

2. Թարմացնում ենք կեղևով

Եթե եռացրած ջրի մեջ լցնեք նարնջի կեղև, դարչին և մեխակ, ապա տան օդը կլցվի հաճելի բույրով:

3. Հեռու ենք պահում կատուներին

Եթե անհրաժեշտ է տնային կատվին հեռու պահել, օրինակ, սենյակային ծաղիկներից, հարկավոր է ծաղկամանի շուրջը դնել նարնջի կեղևներ: Կատուները չեն սիրում ցիտրուսների հոտը:

4. Խարույկ վառել

Նարնջի կեղևը անհավանական լավ վառելիք է, և այն հարմար է կրակ վառելու համար:

5. Ազատվել միջատներից

Նարնջի կեղևը կօգնի ազատվել տնային մրջյուններից, եթե այն դնենք նրանց հավաքատեղիում: Այն օգնում է նաև ազատվել մոծակներից՝ մաշկը դրանով շփելու դեպքում:

Հարցեր, պատասխաններ, մեկնաբանություններ